ខេត្តឧត្តរមានជ័យ ៖ នាថ្ងៃទី០៩ ខែតុលាឆ្នាំ២០២៤ លោកឧត្តមសេនីយ៍ទោ ខូវ លី ស្នងការនគរបាលខេត្ត បានរៀបចំកម្លាំងនគរបាលខេត្ត និងនគរបាលមូលដ្ឋាន ដោយចូលរួមកិច្ចប្រតិបត្តិការសកម្មភាពត្រួតពិនិត្យ រក្សាសន្តិសុខ សណ្តាប់ធ្នាប់ របៀបរៀបរយ និងសុវត្ថិភាព នៅតាមមណ្ឌលប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) -វិទ្យាល័យតេជោសែន សំរោង-វិទ្យាល័យហ៊ុនសែន ឧត្ដរមានជ័យ ។
ក្នុងសកម្មភាពត្រួតពិនិត្យការពារសុវត្ថិភាពមណ្ឌលប្រឡងខាងលើ ស្នងការដ្ឋាននគរនគរបាលខេត្តឧត្ដរមានជ័យ បានប្រើប្រាស់កំលាំងសរុបចំនួន ៨៧នាក់ និងបានត្រៀមគ្រប់មធ្យោបាយជួយសង្គ្រោះ សំរាប់បំពេញបេសកកម្មការពារ និងត្រួតពិនិត្យនេះមានរយះពេលចំនួន២ថ្ងៃ ។ ក្នុងកិច្ចប្រតិបត្តិការថ្ងៃនេះ នៅតាមមណ្ឌលប្រឡងមានស្ថានភាពល្អប្រសើរ៕
