ព្រះវិហារ ៖ នៅថ្ងៃទី៧-៨ ខែតុលា ឆ្នាំ២០២៤ លោកឧត្តមសេនីយ៍ទោ មាស លឹមតុង ប្រធាននាយកដ្ឋានកិច្ចការប៉ុស្តិ៍នគរបាលរដ្ឋបាល បានចាត់ក្រុមការងារនាយកដ្ឋាន សហការជាមួយស្នងការដ្ឋាននគរបាលខេត្តព្រះវិហារ ចុះតាមដានត្រួតពិនិត្យ និងគាំទ្រការអនុវត្តតួនាទីភារកិច្ចរបស់ប៉ុស្តិ៍នគរបាលរដ្ឋបាលចំនួន១០ នៃអធិការដ្ឋាននគរបាលស្រុកចំនួន៤ ដោយបែងចែកជា៣ក្រុម រួមមាន៖
១-ក្រុមទី១ ដឹកនាំដោយលោកឧត្តមសេនីយ៍ត្រី ប៉ែន ចាន់ណា អនុប្រធាននាយកដ្ឋានកិច្ចការប៉ុស្តិ៍នគរបាលរដ្ឋបាល ចុះត្រួតពិនិត្យ៖
-អធិការដ្ឋាននគរបាលស្រុកសង្គមថ្មី(៣ប៉ុស្តិ៍) ប៉ុស្តិ៍នគរបាលរដ្ឋបាលចំរើន ស្ដៅ និងរអាង
-អធិការដ្ឋាននគរបាលក្រុងព្រះវិហារ(២ប៉ុស្តិ៍) ប៉ុស្តិ៍នគរបាលរដ្ឋបាលកំពង់ប្រណាក និងប៉ាលហាល។
២-ក្រុមទី២ ដឹកនាំដោយលោកវរសេនីយ៍ឯក ឆាយ ម៉េងហ៊ អនុប្រធាននាយកដ្ឋានកិច្ចការប៉ុស្តិ៍នគរបាលរដ្ឋបាល ចុះត្រួតពិនិត្យ៖
-អធិការដ្ឋាននគរបាលស្រុករវៀង(៣ប៉ុស្តិ៍) ប៉ុស្តិ៍នគរបាលរដ្ឋបាលរមណីយ រុងរឿង និងរបៀប។
៣-ក្រុមទី៣ ដឹកនាំដោយលោកវរសេនីយ៍ឯក គឹម កណ្យាណ អនុប្រធាននាយកដ្ឋានកិច្ចការប៉ុស្តិ៍នគរបាលរដ្ឋបាល ចុះត្រួតពិនិត្យ៖
-អធិការដ្ឋាននគរបាលស្រុកត្បែងមានជ័យ(២ប៉ុស្តិ៍) ប៉ុស្តិ៍នគរបាលរដ្ឋបាលពោធិ៍ និងប្រមេរុ។
ក្នុងនោះបានជួបសមាសភាពអ្នកពាក់ព័ន្ធសរុបចំនួន ១៣៣នាក់ ស្រី ១៣នាក់ (មន្ត្រីនគរបាលប៉ុស្តិ៍ ៧៨នាក់ ស្រី ០៧នាក់)៕
