ខេត្តព្រៃវែង ៖ កម្លាំងអន្តរាគមន៍ តាមបណ្ដាអធិការដ្ឋាននគរបាលក្រុង-ស្រុកទាំង១៣ ចំណុះស្នងការដ្ឋាននគរបាលខេត្តព្រៃវែង បានត្រៀមកម្លាំងរួចជាស្រេចដើម្បី ការពារសន្តិសុខ សណ្ដាប់ធ្នាប់សាធារណៈជូនបងប្អូនប្រជាពលរដ្ឋក្នុងមូលដ្ឋាន ទាំងយប់ទាំងថ្ងៃ ដើម្បីធានាបាននូវ សន្តិសុខ សុវត្ថិភាពល្អ ស្របតាមការអនុវត្តន៍នូវគោលនយោបាយភូមិ-ឃុំ-សង្កាត់មានសុវត្ថិភាពរបស់រាជរដ្ឋាភិបាលផងដែរ ។
គួរបញ្ជាក់ថា នគរបាលខេត្តព្រៃវែង បានធ្វើយុទ្ធនាការយ៉ាងសស្រាក់សស្រាំ មិនដកដៃឡើយបោសសម្អាតបញ្ហាគ្រឿងញៀន អំពើលួច-ឆក់ប្លន់ និងអំពើរអាណាចារផ្សេងៗ នគរបាលទូទាំងខេត្តព្រៃវែង ចុះល្បាតជាប្រចាំ ហើយបានប្ដេជ្ញាចិត្តយ៉ាងមុតមាំថា និងលុបបំបាត់ឲ្យអស់នៃក្រុមក្មេងទំនើង ដែលតែងតែដើរ អុកឡុក ប្រព្រឹត្តអំពើពាលាអាវ៉ាសែនៅតាមភូមិ-ឃុំ និងតាមដងផ្លូវសំខាន់ៗ នានា បង្កភាពអសន្តិសុខក្នុងសង្គម ដែលធ្វើឲ្យប្រជាពលរដ្ឋក្នុងមូលដ្ឋានមានការភ័យខ្លាច និងព្រួយបារម្ភ ៕
