បាត់ដំបង ៖ នៅថ្ងៃទី៣០ ខែសីហា ឆ្នាំ២០២៤ វេលាម៉ោង២២:២០នាទី នៅចំណុចក្រុមទី០៥ ភូមិពពាលខែ ឃុំអូរតាគី ស្រុកថ្មគោល ខេត្តបាត់ដំបង មានករណីអគ្គិភ័យឆាបឆេះរថយន្ត ០១គ្រឿង (ខូចខាត ៥០%) ម្ចាស់រថយន្តឈ្មោះ ម៉េង រស្មី ភេទប្រុស អាយុ ៣២ឆ្នាំ ទីលំនៅបច្ចុប្បន្ននៅភូមិពពាលខែ ឃុំអូរតាគី ស្រុកថ្មគោល ខេត្តបាត់ដំបង បណ្តាលឲ្យខូចខាតរថយន្តម៉ាក Hyundai ពណ៌ស ពាក់ផ្លាកលេខ ប.មានជ័យ 3A-1901 រថយន្តចំនួន ០១គ្រឿង ។
សមត្ថកិច្ចជំនាញបានឲ្យដឹងថា៖ ក្នុងករណីអគ្គិភ័យនេះ បណ្ដាលមកពីឆ្លងចរន្តភ្លើងអាគុយទើបបណ្តាលឲ្យមានអគ្គិភ័យឆាបឆេះ ។ ករណីនេះដែរកម្លាំងនគរបាលស្រុកថ្មគោល ដឹកនាំដោយលោកវរសេនីយ៍ទោ សេង លុច អធិការនគរបាលស្រុកថ្មគោល បានចុះពន្លត់អគ្គិភ័យ នេះដោយប្រើប្រាស់រថយន្តពន្លត់អគ្គិភ័យចំនួន ០១គ្រឿងអស់ទឹកចំនួន០១ឡាន ទើបគ្រប់គ្រងស្ថានការណ៍ អគ្គិភ័យនេះបានទាំងស្រុង៕
