ខេត្តមណ្ឌលគិរី ៖ នៅព្រឹកថ្ងៃចន្ទ ៧រោច ខែស្រាពណ៍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៦ ខែសីហា ឆ្នាំ២០២៤ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី ជាប្រធានប្រតូតិភូស្នងការដ្ឋាននគរបាលខេត្តមណ្ឌលគិរី អញ្ជើញចូលរួមក្នុងកិច្ចប្រជុំបូកសរុបលទ្ធផល កិច្ចសហប្រតិបត្តិការរក្សាសន្តិសុខ សណ្តាប់ធ្នាប់ តំបន់ព្រំដែនប្រចាំឆមាសទី១ និងលើកទិសដៅសហប្រតិបត្តិការឆមាសទី២ ឆ្នាំ២០២៤ រវាងស្នងការដ្ឋាននគរបាលខេត្តមណ្ឌលគិរី (កម្ពុជា) និងស្នងការដ្ឋាននគរបាលខេត្តដាក់ណុង សាធារណៈរដ្ឋសង្គមនិយមវៀតណាម។
ភាគីកម្ពុជាដឹកនាំដោយលោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី ជាប្រធានប្រតិភូ ព្រមទាំងលោកឧត្តមសេនីយ៍ត្រី ឆាយ សុខា អនុប្រធាននាយកដ្ឋានទទួលបន្ទុកកិច្ចការតំបន់ព្រំដែនកម្ពុជា-វៀតណាម តំណាងសេនាធិការដ្ឋានអគ្គស្នងការដ្ឋានគរបាលជាតិ ក្រសួងមហាផ្ទៃកម្ពុជា។ ភាគីវៀតណាម ដឹកនាំដោយលោកវរសេនីយ៍ឯក ង្វៀន ថាញ់លៀម ស្នងការនគរបាលខេត្តដាក់ណុង ជាប្រធានអង្គប្រជុំដែលមានសមាជិកចូលរួមសរុបចំនួន ២២រូប ដែលបានអញ្ចើចូលរួមក្នុងកិច្ចប្រជុំនាឱកាសនោះផងដែរ។ ក្នុងកិច្ចប្រជុំនាឱកាសនោះផងដែរ ភាគីវៀតណាមបានសំណូមពមកកាន់ភាគីកម្ពុជា ៖ សូមជួយទប់នូវរាល់បទល្មើសជួញដូរគ្រឿងញៀន ឆ្លងដែនគ្រប់ប្រភេទ ជួយសហការទប់ស្កាត់នូវរាល់ការជួញដូរមនុស្សឆ្លងដែនខុសច្បាប់ ការជួញដូរអាវុធគ្រប់ប្រភេទនៅតាមតំបន់ខ្សែរបន្ទាត់ព្រំដែន (កម្ពុជា-វៀតណាម)។ រីឯភាគីកម្ពុជា បានស្នើសូមឱ្យភាគីវៀតណាមជួយសហការរួមគ្នាជួយទប់ស្កាត់លុបបំបាត់ការការជួញដូរមនុស្ស និងកាកេងប្រវាញ់កម្លាំងពលកម្មលើកុមារ និងការជួញដូរផ្លូវភេទ ការលួចឆ្លងដែនដោយខុសច្បាប់។
ភាគីកម្ពុជា លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី ក៏បានឯកភាពទៅលើសំណូមពររបស់ភាគីវៀតណាមនូវចំណុចខាងដែលភាគីវៀតណាមបានសំណូមមកភាគីកម្ពុជា និងបានលើកឡើងចំណងសាមគ្គីភាពមិត្តភាព និងកិច្ចសហប្រតិបត្តិរវាងប្រទេសយើងទាំង០២ ស្ថិតជាអមតៈ។
មុននឹងបញ្ចប់ ភាគីទាំងពីរបានឯកភាពគ្នាលើកិច្ចព្រមព្រៀង និងបានចុះហត្ថលេខា លើកំណត់ហេតុ នៃអង្គប្រជុំស្តីពីកិច្ចសហប្រតិបត្តិការរក្សាសន្តិសុខ សណ្តាប់ធ្នាប់ នៅតាមតំបន់ព្រំដែន រវាងស្នងការដ្ឋាននគរបាលខេត្តមណ្ឌលគិរី (កម្ពុជា) និងស្នងការដ្ឋាននគរបាលខេត្តដាក់ណុងសាធារណៈរដ្ឋសង្គមនិយមវៀតណាម ព្រមទាំងបានជូនកាដូរអនុស្សាវរីយ៍រវាងភាគីទាំងពីរ ក្នុងភាពស្និទ្ធស្នាលជាទីបំផុតរវាងភាគីនៃថ្នាក់ដឹកនាំនៃខេត្តទាំងពីរ៕
