ខេត្តស្វាយរៀង ៖ នៅល្ងាចថ្ងៃទី២០ ខែសីហា ឆ្នាំ២០២៤ លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង អញ្ជើញអមដំណើរ ឯកឧត្តម ប៉េង ពោធិ៍សា អភិបាល នៃគណៈអភិបាលខេត្តស្វាយរៀង និងជាប្រធានគណៈបញ្ជាការឯកភាពរដ្ឋបាលខេត្ត និងក្រុមការងារខេត្ត អញ្ជើញចុះត្រួតពិនិត្យគោលដៅប្រចាំការ ការពារសន្តិសុខសណ្តាប់ធ្នាប់ជូនប្រជាពលរដ្ឋ នៅទីតាំងមួយចំនួនដូចជា ទីតាំងផ្លូវជាតិលេខ១ ត្រង់ព្រំប្រទល់ស្រុកស្វាយជ្រំ ខេត្តស្វាយរៀង និងស្រុកកំពង់ត្របែក ខេត្តព្រៃវែង និងគោលដៅផ្លូវជាតិលេខ១៣ ចំណុចឃុំអណ្តូងត្របែក ស្រុករមាសហែក និងឃុំក្រប៉ៅ ស្រុកកំចាយមារ ខេត្តព្រៃវែង និងបានបន្តដំណេីរពិនិត្យគោលដៅ ក្រុងបាវិត។
ក្នុងឱកាសនោះដែរ នៅតាមគោលដៅនីមួយៗ ឯកឧត្តមអភិបាលខេត្ត បានឧបត្ថម្ភជូនដល់កងកម្លាំងប្រចាំការដូចជា ថវិកា មី និងទឹកសុទ្ធ ផងដែរ៕
