ភ្នំពេញ៖ នៅថ្ងៃទី២០ ខែសីហា ឆ្នាំ២០២៤ ដោយអនុវត្តតាមបទបញ្ជារបស់លោកឧត្តមសេនីយ៍ឯក ជួន ណារិន្ទអគ្គស្នងការរង និងជាស្នងការនគរបាលរាជធានីភ្នំពេញ និងអនុវត្តដឹកដោយផ្ទាល់របស់លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោ បានបន្តដឹកនាំដាក់គោលដៅក្នុងមូលដ្ឋានរបស់ខ្លួន។
ដោយឡែកគោលដៅគួរស្រូវ ស្ថិតនៅផ្លូវជាតិលេខ២ ដឹកនាំដោយលោកឧត្តមសេនីយ៍ត្រី ហ៊ុន សុជាតិ ស្នងការរង និងលោកវរសេនីយ៍ទោ ឃឹម សារិទ្ធ អធិការរងខណ្ឌដង្កោ ធ្វើការត្រួតពិនិត្យយានយន្តឆ្លងកាត់ប្រយោជន៍ទប់ស្កាត់ក្រុមជ្រុលនិយមឆ្លងកាត់។
ក្នុងនោះកម្លាំងសហប្រតិបតិ្តការចូលរួមសរុប៥០នាក់។
កម្លាំង នៃអធិការដ្ឋានខណ្ឌដង្កោទាំងអស់ បានចេញល្បាត និងប្រចាំការតាមគោលដៅ២៤ម៉ោងលើ២៤ម៉ោងដឹកនាំដោយលោកវរសេនីយ៍ទោ ជាង ហុកសែ អធិការរងទទួលព្រហ្មទណ្ឌ ក្នុងទិសដៅរក្សាសន្តិសុខ សុវត្ថិភាពសង្គម រៀបចំសណ្ដាប់ធ្នាប់សាធារណៈ ពិសេសគឺត្រៀមបង្ការទប់ស្កាត់ និងបង្ក្រាបមិនឱ្យមានសកម្មភាពប្រមូលផ្ដុំបង្កចលាចល ឬអសន្តិសុខសង្គម ក្នុងរូបភាពណាមួយនោះឡើយ។
ទន្ទឹមគ្នានេះដែរ លោកវរសេនីយ៍ឯក ជឹម ស៊ីថា អធិការខណ្ឌដង្កោ ក៏បានដាក់បទ បញ្ជាដល់កងកម្លាំងនគរបាលខណ្ឌឲ្យបន្តពង្រឹងយកចិត្តទុកដាក់ យាមល្បាត ត្រួតពិនិត្យអាវុធគ្រឿងផ្ទុះ ត្រួតពិនិត្យអ្នកបើកបរមានសារជាតិស្រវឹងក្នុងខ្លួន ទប់ស្កាត់ក្មេងទំនើងពេលរាត្រីផងដែរ ៕
