(Reuters) – នៅថ្ងៃអង្គារ នាយករដ្ឋមន្ត្រីកាណាដា លោក Justin Trudeau បានច្រានចោលការលើកឡើងរបស់លោក ដូណាល់ ត្រាំ ដែលថា លោកអាចប្រើ “កម្លាំងសេដ្ឋកិច្ច” ដើម្បីធ្វើឱ្យកាណាដាក្លាយជារដ្ឋទី៥១ របស់សហរដ្ឋអាមេរិក។
លោក Justin បាននិយាយនៅក្នុងបណ្តាញសង្គម X ថា “គ្មានឱកាសដែលកាណាដានឹងក្លាយជាផ្នែក១របស់សហរដ្ឋអាមេរិកឡើយ។ កម្មករ និងសហគមន៍នៅក្នុងប្រទេសទាំង០២ ទទួលបានអត្ថប្រយោជន៍ពីការធ្វើជាដៃគូពាណិជ្ជកម្ម និងសន្តិសុខធំបំផុតរបស់គ្នាទៅវិញទៅមក”។
លោកត្រាំក្នុងការសម្ភាសន៍នៅ Mar-a-Lago បានឆ្លើយតបទៅនឹងសំណួរថា តើលោកកំពុងពិចារណាប្រើប្រាស់កម្លាំងយោធាដើម្បីទទួលបានកាណាដាដែរឬទេ។ លោកបានឆ្លើយតបថា “ទេ ប្រើកម្លាំងសេដ្ឋកិច្ច។ ដោយសារតែកាណាដា និងសហរដ្ឋអាមេរិកនឹងមានអ្វី០១ជាមិនខាន”។
លោកបានត្អូញត្អែរជាយូរមកហើយអំពីពាណិជ្ជកម្មលើសតម្រូវការរវាងកាណាដា និងសហរដ្ឋអាមេរិក ហើយប្រាប់អ្នកសារព័ត៌មានថា ព្រំដែនគឺជា “បន្ទាត់ដែលគូរដោយសិប្បនិម្មិត”។
លោកបានគំរាមដាក់ពន្ធ ២៥% លើការនាំចូលពីប្រទេសកាណាដា ដែលបញ្ជូន ៧៥% នៃការនាំចេញទំនិញ និងសេវាកម្មទាំងអស់នៅភាគខាងត្បូងចេញពីព្រំដែន។
