កំពង់ស្ពឺ៖ ដោយអនុវត្ដតាមគោលការណ៍ក្រសួងមហាផ្ទៃ អគ្គស្នងការដ្ឋាននគរបាលជាតិ បទបញ្ជាដ៏មុឹងម៉ាត់ពីលោកឧត្ដមសេនីយ៍ ឃឹម សុកខៃ ស្នងការ នគរបាលខេត្ដកំពង់ស្ពឺ ការគ្រប់គ្រងមន្ត្រីនគរបាលជាតិ ចំណុះស្នងការដ្ឋាននគរបាលខេត្តកំពង់ស្ពឺ នៅព្រឹកថ្ងៃពុធ ១០កើត ខែបុស្ស ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី៨ ខែមករា ឆ្នាំ២០២៥ ការិយាល័យបុគ្គលិក ផែនការងារធនធានមនុស្ស ដឹកនាំដោយ លោកវរសេនីយ៍ឯក ហុក អេងជាង ស្នងការរង ទទួលផែន បានចុះពង្រឹងវិន័យកងកម្លាំងនគរបាលជាតិ (ការស្លៀកពាក់ឯកសណ្ឋាននគរបាលជាតិនិងការប្រើស្លាកសញ្ញានគរបាលជាតិ របៀបរបបការងារប្រចាំថៃ្ង និងការអនុវត្ដបទបញ្ជាផ្ទៃក្នុង ) ការត្រួតពិនិត្យបញ្ជីវត្តមាន របស់មន្ត្រីនគរបាលជាតិ ការិយាល័យអន្ដរាគមន៍ និងតម្រួតបទបញ្ជា ការិយាល័យ ចំណុះផែនការងារសេនាធិការ ។
