ខេត្តបន្ទាយមានជ័យ ៖ នៅថ្ងៃទី០៧ ខែមករា ឆ្នាំ២០២៥ លោកឧត្ដមសេនីយ៍ត្រី ចាប សុផាប្ញទ្ធិ ស្នងការដ្ឋានរងផែនការងារនគរបាលប្រឆាំងបទល្មើសសេដ្ឋកិច្ច តំណាងលោកឧត្ដមសេនីយ៍ទោ សិទ្ធិ ឡោះ ស្នងការ នៃស្នងការដ្ឋាននគរបាលខេត្តបន្ទាយមានជ័យ និងលោកអធិការរង នៃអធិការដ្ឋាននគរបាលស្រុកម៉ាឡៃ និងមន្ត្រីនគរបាលជាច្រើនរូបចូលរួមគោរពវិញ្ញាណក្ខន្ធ និងប្រគល់ថវិកាចំនួន៧លាន ៥ម៉ឺនរៀលក្នុងនោះ ៖ ថវិកាមិត្តនគរបាលជាតិកម្ពុជាចំនួន៦លានរៀល និងថវិកាបានមកពីការចូលរួមពីថ្នាក់ដឹកនាំ និងមន្ត្រីនគរបាល នៃអធិការដ្ឋាននគរបាលស្រុកម៉ាឡៃចំនួន ១លាន ៥ម៉ឺនរៀល ជូនដល់គ្រួសារសពលោកអនុសេនីយ៍ទោ ហង្ស ហឹង្ស នាយរងផ្នែកនៃអធិការដ្ឋាននគរបាលស្រុកម៉ាឡៃដែលបានមរណភាពដោយជំងឺសួត សពបានតម្កល់ធ្វើនៅគេហដ្ឋានសពនៅ ភូមិទំនប់នារី ឃុំតាគង់ ស្រុកម៉ាឡៃ ខេត្តបន្ទាយមានជ័យ។
ក្នុងឱកាសដ៏ក្រៀមក្រំនេះលោកឧត្ដមសេនីយ៍ត្រី ចាប សុផាប្ញទ្ធិ បានពាំនាំនូវការចូលរួមរំលែកទុក្ខពីសំណាក់លោកឧត្ដមសេនីយ៍ទោ ស្នងការ និងរូបលោកផ្ទាល់ចូលរួមសោកស្ដាយយ៉ាងក្រៃលែងជាមួយក្រុមគ្រួសារសពដែលបានបាត់បង់ប្តី ឪពុកជាទីគោរពស្រឡាញ់៕
