មណ្ឌលគិរី ៖ កាលពីយប់ថ្ងៃទី០៥ ខែមករា ឆ្នាំ២០២៥ វេលាម៉ោង ២៣និង ១៤នាទីយប់កម្លាំងប៉ុស្តិ៍នគរបាលរដ្ឋបាល ស្ពានមានជ័យក្រោយពីបានទទួលព័ត៌មានពី ប្រជាពលរដ្ឋរស់នៅភូមិអូរស្ពានសង្កាត់ស្ពានមានជ័យ ក្រុងសែនមនោរម្យខេត្តមណ្ឌលគិរី។ មានករណីគ្រោះអគ្គីភ័យមួយបានកើតឡើងបណ្ដាលឲ្យឆេះផ្ទះ ប្រជាពលរដ្នដែលមានឈ្មោះ នាង សុភាព ជនជាតិខ្មែរមាន អាយុ ៥១ឆ្នាំ មុខរបរអាជីវករ ទីលំនៅបច្ចុប្បន្ន ភូមិអូរស្ពាន សង្កាត់ស្ពានមានជ័យ ក្រុងសែនមនោរម្យខេត្តមណ្ឌលគិរី។
ក្រោយពីបានទទួលពត៏នេះ ភ្លាមៗពីប្រជាពលរដ្ឋ កម្លាំងជំនាញនៃស្នងការដ្ឋាននគរបាលខេត្តមណ្ឌលគិរីដឹកនាំដោយលោកវរសេនីយ៍ឯក នួន ហាន ស្នងការរងទទួលផែនការងារបង្ការនិងពន្លត់អគ្គីភ័យដោយមានការចូលរួមដោយ៖ ១/.លោកវរសេនីយ៍ឯក មឿង សុផល នាយការិយាល័យបង្ការនិងពន្លត់អគ្គីភ័យ។ ២/.កម្លាំងជំនាញការិយាល័យបង្ការនិងពន្លត់អគ្គីភ័យ។ ៣/.លោកវរសេនីយ៍ឯក កាន់ ពេញ អធិការនគរបាលក្រុងសែនមនោរម្យ។ ៤/.កម្លាំងផ្នែកជំនាញអធិការដ្ឋាននគរបាលក្រុងសែមនោរម្យ។ ៥/.កម្លាំងប៉ុស្តិ៍នគរបាលរដ្ឋបាលស្ពានមានជ័យ។ បានចុះអន្តរាគមន៍ដោយប្រើប្រាស់ទឹកអស់ចំនួន ០៥រថយន្តទើបទើបករណីអគ្គីភ័យបានរលត់ទាំងស្រុង។
ក្នុងករណីគ្រោះអគ្គីភ័យខាងលើនេះពុំមានប៉ះពាល់ដល់អាយុជីវិតប្រជាពលរដ្ឋឡើយ។
-តាមការបំភ្លឺពីម្ចាស់ផ្ទះគាត់បានបញ្ជក់ប្រាប់សមត្ថកិច្ចយើងថា÷គឺគានៅវេលាម៉ោង២៣ និង ០០នាទីនៅចំណុចខាងលើផ្ទះចំសសរកណ្តាលមានហុយផ្សែងផ្ទុះសេរខ្សែភ្លើងស្រាប់តែមានអណ្ដាតភ្លើងឆាបឆេះយកតែម្ដង។ ផ្ផះដែលត្រូវអគ្គីភ័យនេះបណ្តាលឲ្យឆាបឆេះ
១/.ផ្ទះថ្មឈើលើប្រក់ស័ង្កសីទំហំ០៨ម៉ែត្រគុណនិង១២ម៉ែត្រឆេះទាំងស្រុង។
-សម្ភារះដែលខូចខាតរួមមានដូចខាងក្រោម÷
១ -.គ្រែឈើចំនួន០៣ធ្វើអំពីឈើធ្នង់ចំនួន២និងធ្វើពីនាងនួនចំនួន០១។
២ -ប្រាក់ចំនួន៣០០.០០០៛(បីរយពាន់រៀល)។
៣ -ចិញ្ចៀនមាសចំនួន ០៦ជី។ ៥/.ទូរស័ព្ទដៃចំនួន០២គ្រឿង។
៤-.ខោអាវនិងសម្ភារះប្រើប្រាស់ផ្សេងៗមួយចំនួនទៀត៕
