តំណាងលោកឧត្ដមសេនីយ៍ទោ ខូវ លី ស្នងការនគរបាលខេត្ដ ដឹកនាំកិច្ចប្រជុំកែតម្រូវសម្របសម្រួលរបាយការណ៍ និងរបបរាយការណ៍ របស់ស្នងការដ្ឋាន នៅសាលប្រជុំស្នងការដ្ឋានគរបាលខេត្តឧត្ដរមានជ័យ

ខេត្តឧត្ដរមានជ័យ ៖ នាព្រឹកថ្ងៃអង្គារ ៩រោច ខែមិគសិរ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី២៤ ខែធ្នូ ឆ្នាំ២០២៤ យោងតាមប្រសាសន៍ដឹកនាំដ៏ខ្ពស់ខ្ពស់របស់ លោកឧត្ដមសេនីយ៍ទោ ខូវ លី ស្នងការនគរបាលខេត្ដ បានចាត់ លោកឧត្ដមសេនីយ៍ត្រី រៀម សរ ស្នងការរង ផែនការងារសេនាធិការ ដឹកនាំកិច្ចប្រជុំកែម្រូវសម្របសម្រួលរបាយការណ៍ និងរបបរាយការណ៍ របស់ស្នងការដ្ឋាន ដោយមានការចូលរួមពី លោកអនុផែន លោក លោកស្រី នាយ-នាយរងការិយាល័យ លោកមេបញ្ជាការរងវរសេនាតូចនគរបាលការពារព្រំដែនគោកទាំង០២ លោក-លោកស្រីអធិការរងក្រុងស្រុកទាំង០៥ លោក លោកស្រីនាយ-នាយរងផ្នែក មន្រ្ដីចំណុះស្នងការដ្ឋាន នៅសាលប្រជុំស្នងការដ្ឋាននគរបាលខេត្ដឧត្ដរមានជ័យ ។