ខេត្តតាកែវ ៖ នាព្រឹកថ្ងៃចន្ទ ៩កើត ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ៩ ខែ ធ្នូ ឆ្នាំ ២០២៤ លោកឧត្តមសេនីយ៍ទោ ម៉ែន លី ស្នងការនគរបាលខេត្តតាកែវ អញ្ជើញដឹកនាំមន្រ្តីនគរបាលជាតិ ក្រោមឱវាទ នៃស្នងការដ្ឋាននគរបាលខេត្តតាកែវ នៃព្រះរាជាណាចក្រកម្ពុជា រៀងរាល់ថ្ងៃចន្ទ។
មានប្រសាសន៍ថ្លែងក្នុងឱកាសនោះលោកឧត្តមសេនីយ៍ទោ ស្នងការ បានណែនាំ ក្រើនរំលឹកដាស់តឿន និងពង្រឹងវិន័យកងកម្លាំងនគរបាល ព្រមទាំងកោតសរសើរដល់កម្លាំងនគរបាលខេត្តទាំងអស់ដែលខិតខំបំពេញតួនាទីភារកិច្ចការពារសន្តិសុខ សណ្តាប់ធ្នាប់ សុវត្ថិភាពនាពេលកន្លងមក និងពង្រឹងរបៀបរបបការងារជំនាញប្រចាំថ្ងៃដើម្បីធានាបានប្រសិទ្ធភាពលើការងារផងដែរ៕
