ខេត្តកំពង់ឆ្នាំង ៖ ព្រឹកថ្ងៃព្រហស្បតិ៍ ៥កើត ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី០៥ ខែធ្នូ ឆ្នាំ២០២៤ កម្លាំងផ្នែកសណ្តាប់ធ្នាប់, ផ្នែកគ្រឿងញៀន, ផ្នែកនគរបាលយុត្តិធម៌ នៃអធិការដ្ឋាននគរបាលស្រុកកំពង់ត្រឡាច បានចុះផ្សព្វផ្សាយច្បាប់ចរាចរណ៍ផ្លូវគោក, ផលប៉ះពាល់ នៃគ្រឿងញៀន និងបញ្ហាផ្សេងៗ ដល់សិស្សានុសិស្ស នៅវិទ្យាល័យ ហ៊ុន សែន កំពង់ត្រឡាច ដែលស្ថិតនៅភូមិសាលាលេខប្រាំ ឃុំអូរប្ញស្សី ស្រុកកំពង់ត្រឡាច ខេត្តកំពង់ឆ្នាំង ដោយបានសហការជាមួយក្រុមប្រឹក្សាឃុំ នាយប៉ុស្តិ៍នគរបាលរដ្ឋបាលអូរប្ញស្សី លោកនាយកសាលា លោកគ្រូ អ្នកគ្រូ និងមន្ត្រីនគរបាលពាក់ព័ន្ធមួយចំនួនទៀត ដឹកនាំដោយ ៖ លោកវរសេនីយ៍ទោ សិន ផា អធិការងទទួលផែនសណ្តាប់ធ្នាប់ នៃអធិការដ្ឋាននគរបាលស្រុកកំពង់ត្រឡាច ព្រមទាំងមានការអអញ្ជើញចូលរួមពីលោកគ្រូ អ្នកគ្រូ ចំនួន ៩៥នាក់ និងសិស្សានុសិស្សចំនួន ២៥៣៤នាក់ ស្រី១៤១១នាក់ ផងដែរ៕
