ខេត្តសៀមរាប ៖ ថ្ងៃពុធ ៦កើត ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៦ ខែវិច្ឆិកា ឆ្នាំ២០២៤ ដោយអនុវត្តតាមការណែនាំរបស់លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប កម្លាំងនៃការិយាល័យបង្ការ ពន្លត់អគ្គិភ័យ និងសង្គ្រោះ បានបន្តចុះផ្សព្វផ្សាយខិត្តប័ណ្ណ ត្រួតពិនិត្យប្រព័ន្ធបង្ការអគ្គិភ័យ និងបំពង់ពន្លត់អគ្គិភ័យ នៅតាមបណ្តាស្ថានីយប្រេងឥន្ធនៈ ចំនួន ០៩ទីតាំង ក្នុងក្រុងសៀមរាប ខេត្តសៀមរាប ។
ជាមួយគ្នានោះដែរ កម្លាំងជំនាញក៏បានពន្យល់ ណែនាំ អំពីវិធីប្រេីប្រាស់ បំពង់ពន្លត់អគ្គិភ័យ និងបង្ការអគ្គិភ័យ ហេីយបានស្នេីម្ចាស់អាជីវកម្មប្រេងឥន្ធនៈ ផ្លាស់ប្តូរបំពង់ពន្លត់អគ្គិភ័យដែលខូចគុណភាព និងសម្ភារៈបរិក្ខារប្រព័ន្ធបង្ការអគ្គិភ័យ ដែលខូច ដេីម្បីបង្ការគ្រោះថ្នាក់អគ្គិភ័យ ដែលកេីតឡេីងជាយថាហេតុ ។ ក្នុងករណីមានគ្រោះអគ្គិភ័យកើតឡើង សូមទំនាក់ទំនងផ្តល់ព័ត៌មានមកកាន់ទូរស័ព្ទលេខ 078 773 774, 012 756 465, 070 344 766 ៕
