មណ្ឌលគិរី ៖ នៅព្រឹកថ្ងៃព្រហស្បតិ៍ ១៤ រោច ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹង ថ្ងៃទី៣១ ខែតុលា ឆ្នាំ២០២៤នេះ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានបញ្ចុះកម្លាំងមន្រ្តីនគរបាល និងកម្លាំងអន្តរាគមន៍ កម្លាំងអធិការក្រុងស្រុក ចាប់ពីព្រំប្រទល់ ឆ្នែងស្រុកកែវសីមា រហូតមកដល់ក្រុងសែនមនោរម្យ ខេត្តមណ្ឌលគិរី ដើម្បីរៀបចំ សន្តិសុខ សណ្តាប់ធ្នាប់ និងសុវត្ថិភាពជូនលោក ជំទាវបណ្ឌិត ពេជ ចន្ទមុន្នី ហ៊ុន ម៉ាណែត អគ្គស្នងការសមាគមន៍កាយរិទ្ធនារីកម្ពុជាដែលអញ្ជើញជាអធិបតីដ៏ខ្ពង់ខ្ពស់ក្នុងពិធីបោះជំរំប្រចាំ ឆ្នាំ២០២៤ នៃសមាគមន៍កាយរិទ្ធនារីកម្ពុជានៅក្រុងសែនមនោរម្យ ខេត្តមណ្ឌលគិរី។
ក្នុងឱកាសនោះផងដែរលោកឧត្តមសេនីយ៍ទោស្នងការបានរៀបចំ កងកម្លាំងមន្រ្តីនគរបាលប្រើប្រាស់កម្លាំងសរុប ចំនួន ៦៤៦នាក់ ទាំងកម្លាំងមន្រ្តីនគរបាលខេត្ត និងកម្លាំងសេនាវរសេនាតូច ទាំង០២ ព្រមទាំងកម្លាំងលោកអធិការនគរបាលក្រុងស្រុក ទៅតាមចំណុចគោលដៅសំខាន់ៗ ក្នុងគោលបំណងការពារ សន្តិសុខសណ្តាប់ធ្នាប់ និងសុវត្ថិភាពជូនថ្នាក់ដឹកនាំប្រកបដោយសុវត្ថិភាព៕
