ខេត្តកំពង់ស្ពឺ ៖ នាព្រឹកថ្ងៃអង្គារ ៥រោច ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី២២ ខែតុលា ឆ្នាំ២០២៤ លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ត រួមជាមួយ លោកឧត្ដមសេនីយ៍ ស្នងការរង ទទួលផែនការងារ សន្ដិសុខ ព្រហ្មទណ្ឌ ប្រឆាំងបទល្មើសគ្រឿងញៀន ប្រឆាំងបទល្មើសសេដ្ឋកិច្ច អន្ដោប្រវេសន៍ អាវុធជាតិផ្ទុះ សេនាធិការ បានអញ្ជើញចូលរួមកិច្ចប្រជុំលទ្ធផលត្រីមាសទី៣ នៃផែនការយុទ្ធសាស្ត្រស្ដីពីការអនុវត្តគោលនយោបាយ«ភូមិ ឃុំ សង្កាត់ មានសុវត្ថិភាព » របស់ក្រសួងមហាផ្ទៃ ឆ្នាំ២០២៤-២០០៨ នៅរដ្ឋបាលខេត្ដកំពង់ស្ពឺ។
កិច្ចប្រជុំក្រោមអធិបតីភាពឯកឧត្តម សំរិទ្ធ ឌី រដ្ឋលេខាធិការ ក្រសួងមហាផ្ទៃ ប្រតិភូនិងសមាសភាពចូលរួមពី ឯកឧត្តម អនុរដ្ឋលេខាធិការ ឯកឧត្តម យឹម សុខុម ប្រធាន ក្រុមប្រឹក្សាខេត្តកំពង់ស្ពឺ ឯកឧត្តម បណ្ឌិត ជាម ច័ន្ទសោភ័ណ្ឌ អភិបាលខេត្តកំពង់ស្ពឺ លោកឧត្ដមសេនីយ៍ស្នងការ មេបញ្ជាការរង កងរាជអាវុធហត្ថ មេបញ្ជាការរង ប្រតិបត្តិការសឹករងខេត្ដ ព្រះរាជអាជ្ញារង ប្រធានមន្ទីរជុំវិញខេត្ត លោកអភិបាល ក្រុង ស្រុក លោកអធិការ នគរបាលក្រុង ស្រុក លោកមេឃុំ ចៅសង្កាត់ លោកនាយប៉ុស្ដិនគរបាលរដ្ឋបាល ទាំង៨៨ ( ក្រុង-ស្រុក) ព្រមទាំងមន្ត្រីពាក់ព័ន្ធជាច្រើនទៀត៕
