កំពង់ស្ពឺ៖ នាព្រឹកថ្ងៃសុក្រ ១រោច ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៨ ខែតុលា ឆ្នាំ២០២៤ នៅសាលប្រជុំស្នងការដ្ឋាននគរបាលខេត្ដកំពងស្ពឺ មានកិច្ចប្រជុំផ្សព្វផ្សាយផែនការ ការពារ សន្ដិសុខសុវត្ថិភាពផែនចំនួន ០២ ៖ ផែនការ ការពារ សន្ដិសុខពិធីប្រណាំងទូក និងផែនការ ការពារ វេទិកាថ្នាក់ជាតិ ដោយបន្ថែមរបៀបវារៈស្ដីពីការអានសេចក្ដីសម្រេចស្ដីពីការបែងចែកភារកិច្ចជូនស្នងការរង នៃស្នងការដ្ឋាននគរបាលខេត្តកំពង់ស្ពឺ ចំនួន០៣រូប៖
-ឧ.ត្រី ង៉ាម រី ស្នងការរង
-ឧ.ត្រី ឡេង ស៊ាងលី ស្នងការរង ទទួលការិយាល័យ សណ្ដាប់ធ្នាប់ឲ្យមកទទួលជួយដឹកនាំការិយាល័យអន្ដរាគមន៍ និងតម្រួតបទបញ្ជា
-វ.ទោ អៀ ដូរ៉ា ស្នងការរង ទទួលដឹកនាំការិយាល័យស្នាក់នៅឲ្យមកទទួលជំនួយដឹកនាំការិយាល័យផ្សព្វផ្សាយអប់រំ។
កិច្ចប្រជុំក្រោមអធិបតីភាព លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ និងមានការអញ្ជើញចូលរួមពីសំណាក់ លោក លោកស្រី ស្នងការរង លោក នាយការិយាល័យ-នាយរងការិយាល័យ លោកអធិការនគរបាលក្រុង ស្រុក ព្រមទាំងមន្ត្រីកងកម្លាំងនគរបាលពាក់ព័ន្ធជាច្រើនរូបទៀត ៕
