TAIPEI, Oct 10 (Reuters) – នៅថ្ងៃព្រហស្បតិ៍ ប្រធានាធិបតីតៃវ៉ាន់លោក ឡៃ ឈីងតេបាននិយាយថា ប្រទេសចិនមិនមានសិទ្ធិតំណាងឱ្យកោះតៃវ៉ាន់នោះទេ ប៉ុន្តែកោះនេះមានឆន្ទៈធ្វើការជាមួយទីក្រុងប៉េកាំង ដើម្បីប្រយុទ្ធប្រឆាំងនឹងបញ្ហាប្រឈមជាសកល ដូចជាការប្រែប្រួលអាកាសធាតុ ដោយបង្ហាញពីជំហររឹងម៉ាំ និងការផ្សះផ្សា។
លោកឡៃ ដែលចូលកាន់តំណែងកាលពីខែឧសភា បន្ទាប់ពីបានជាប់ឆ្នោតកាលពីខែមករា ត្រូវបានប្រទេសចិនស្អប់ដោយហៅគាត់ថាជា អ្នកបំបែកខ្លួន។ ទីក្រុងប៉េកាំងអះអាងថា បានគ្រប់គ្រងតៃវ៉ាន់ជាទឹកដីរបស់ខ្លួន ជាទស្សនៈ០១របស់លោក និងរដ្ឋាភិបាលរបស់លោកបដិសេធ។
នៅក្នុងការថ្លែងសុន្ទរកថាថ្នាក់ជាតិដ៏សំខាន់០១នៅខាងក្រៅខុទ្ទកាល័យប្រធានាធិបតីទីក្រុងតៃប៉ិ លោកឡៃបានរំលឹកឡើងវិញថា សាធារណរដ្ឋចិន ដែលជាឈ្មោះផ្លូវការរបស់កោះនេះ និងសាធារណរដ្ឋប្រជាមានិតចិន “មិនស្ថិតនៅក្រោមការត្រួតត្រាគ្នាទៅវិញទៅមកឡើយ”។
លោកបាននិយាយថា “នៅលើទឹកដីនេះ លទ្ធិប្រជាធិបតេយ្យ និងសេរីភាពកំពុងរីកចម្រើន និងឈានទៅមុខ។ ហើយសាធារណរដ្ឋប្រជាមានិតចិន មិនមានសិទ្ធិតំណាងឱ្យកោះតៃវ៉ាន់ទេ”។
